როგორ გავზარდოთ ბინის ფასი მცირედი რემონტით

ბინის გაყიდვა ან გაქირავება ხშირად დიდ გამოწვევას უკავშირდება – კონკურენცია ბაზარზე მაღალია და მყიდველიც პირველივე შთაბეჭდილებით იღებს გადაწყვეტილებას. საბედნიეროდ, ბინის ღირებულების გაზრდა ყოველთვის არ საჭიროებს დიდ სარემონტო სამუშაოებს. არსებობს რამდენიმე პატარა დეტალი, რომელიც მინიმალური დანახარჯით მნიშვნელოვნად აუმჯობესებს ბინის ფასს.

1. ახალი ფერი კედლებს

ნათელი და ნეიტრალური ტონები, როგორიცაა თეთრი, ღია ნაცრისფერი, ბეჟი ოთახს უფრო ფართოსა და სუფთას ხდის, რაც დაინტერესებულ პირს ეხმარება გადაწყვეტილენის მიღებაში. მარტივი შეღებვა დაბალი დანახარჯით ბინას „ახალივით“ იერს აძლევს.


2. იატაკის განახლება

ლამინატის გამოცვლა ან იატაკის პოლირება დიდ ეფექტს ქმნის. სუფთა, მოვლილი იატაკი მყიდველს აჩვენებს, რომ ბინა კარგად არის შენახული. იატაკის სიპრიალე სივცრცის მეტად გამოჩენასაც ხელს უწყობს.


3. განათების როლი

სწორად შერჩეული განათება საოცრებებს ახდენს. ენერგოეფექტური ნათურები და თანამედროვე ჭერის განათება ბინას უფრო მყუდროს და თანამედროვე იერს ანიჭებს.


4. სამზარეულოსა და აბაზანის განახლება

ეს ორი სივრცე ყველაზე მეტ ყურადღებას იპყრობს. მცირე ცვლილებები – ონკანის შეცვლა, კარადის სახელურების განახლება, სილიკონისა და ფილების ნაკერების შეკეთება – ოთახებს ახალ იერს სძენს. ბევრი ადამიანი ბინის შეძენის დროს დიდ ყურადღებას აქცევს სამზარეულოს და აბაზანას.


5. კარები და ფანჯრები

ახალი სახელურები, სუფთა მინის ფანჯრები და მოვლილი კარი ბინაში სისუფთავის განცდას მატებს.


6. მინიმალიზმი და სისუფთავე

ზედმეტი ავეჯის მოცილება, სუფთა სივრცე და მცირე დეკორი (თეთრი ფარდები, მწვანე ქოთნის ყვავილი) ბინას უფრო მიმზიდველს ხდის. მყიდველს ან ქირის მსურველს უნდა წარმოედგინოს, რომ ეს მისი მომავალი სახლი იქნება.

ზემოთ ჩამოთვლილი მცირე სარემონტო სამუშაოებითა და ინტერიერის გამორჩეული პრეზენტაციით შესაძლებელია ბინის ღირებულების 5-10%-ით გაზრდა. ეს ნიშნავს, რომ სულ რამდენიმე ასეული ან ათასი ლარის ინვესტიცია შეიძლება გაცილებით უფრო დიდ მოგებად გადაიქცეს გაყიდვის ან გაქირავების დროს.
ბინის „პირველი შთაბეჭდილება“ გადამწყვეტია – ამიტომ მცირე დეტალებზე ზრუნვა საუკეთესო სტრატეგიაა.