Продается Земля, Для Инвестиций, Ikalto

იყიდება უნიკალური საინვესტიციო ობიექტი კახეთში - იყალთოში

იყიდება 110,949 კვ.მ. საერთო ფართობის მიწის კომპლექსი თელავის მუნიციპალიტეტის სოფელ იყალთოში. ობიექტი შედგება ერთმანეთის მომიჯნავედ მდებარე ოთხი მიწის ნაკვეთისგან და აერთიანებს არასასოფლო-სამეურნეო მიწას შენობით, ვენახს, ხეხილის ბაღსა და კეთილმოწყობილ ტერიტორიას.

ობიექტი საინტერესოა მეღვინეობის, ღვინის ტურიზმის, აგროტურიზმისა და დასასვენებელი კომპლექსის განვითარების მსურველი ინვესტორებისთვის.

1. ღვინის მარანი და არასასოფლო-სამეურნეო მიწის ნაკვეთი

საკადასტრო კოდი: 53.12.32.113

მიწის ფართობი: 19,026 კვ.მ.

დანიშნულება: არასასოფლო-სამეურნეო

შენობის ფართობი: 766.8 კვ.მ.

ნაკვეთზე განთავსებულია ყოფილი სეტყვის საწინააღმდეგო რაკეტების საცავი — მასიური, რკინა-ბეტონის თაღოვანი კონსტრუქციის ანგარი, ორი მხრიდან დიდი რკინის კარიბჭეებით. შენობა ზემოდან მიწის ფენით არის დაფარული, რაც ბუნებრივი თბოიზოლაციის ეფექტს ქმნის. შენობის დაახლოებით 120 კვ.მ. გარემონტებულია და მოწყობილია ღვინის მცირე საწარმო. დანარჩენი ფართობი შესაძლებელია მოეწყოს ღვინის საცავად, სადეგუსტაციო დარბაზად, ტურისტების მისაღებ სივრცედ ან სხვა შესაბამისი დანიშნულებით. შენობაში მოწყობილია გასახდელი, აბაზანა და ტუალეტი. გაყვანილია ელექტროენერგია, კანალიზაცია და ინტერნეტი. დამონტაჟებულია სათვალთვალო კამერები. ტერიტორიაზე მოწყობილია 135 მეტრის სიღრმის ჭაბურღილი და 130-ტონიანი გარე აუზი.

ამ მიწის ნაკვეთის (ს/კ 53.12.32.113), მასზე არსებული შენობის, მისი ინფრასტრუქტურისა და ღვინის საწარმოს აღჭურვილობის ფასია 300,000 აშშ დოლარი.

2. ვენახი

საკადასტრო კოდები: 53.12.32.126; 53.12.32.127.

მიწის საერთო ფართობი: 45,689 კვ.მ.

დანიშნულება: სასოფლო-სამეურნეო

აღნიშნულ ნაკვეთებზე და პლუს 53.12.32.113 საკადასტრო კოდით რეგისტრირებული ნაკვეთის ნაწილზე - დაახლოებით 5,000 კვ.მ.-ზე, გაშენებულია ვენახი - ჯამში 5 ჰექტარი.

ვენახი გაშენებულია 2018 წლიდან და მოიცავს:

• 3 ჰექტარ საფერავს;

• 2 ჰექტარ ქისისა და ხიხვის ჯიშის ვაზს.

ვენახში მოწყობილია წვეთოვანი სარწყავი სისტემა. ვაზის საყრდენებად გამოყენებულია მოთუთიებული ფოლადის ბოძები.

ვენახი მდებარეობს „წინანდლის“ ადგილწარმოშობის დასახელების მიკროზონაში.

3. ხეხილის ბაღი და სააგარაკე დასახლების განვითარების შესაძლებლობა

საკადასტრო კოდი: 53.12.32.166

მიწის ფართობი: 46,234 კვ.მ.

დანიშნულება: სასოფლო-სამეურნეო

ნაკვეთის ნაწილზე, დაახლოებით 35,000 კვ.მ. ფართობზე, 2025 წელს გაშენდა ხეხილის ბაღი:

• 1,000 ძირი წითელდროშა ტყემალი;

• 250 ძირი ალუჩა;

• 250 ძირი ქლიავი.

ნაკვეთის მთელ სიგრძეზე გაყვანილია გრუნტის გზა, რომელსაც მიუყვება ბეტონის ტროტუარი. ტროტუარის გასწვრივ განთავსებულია 32 განათების ბოძი მზის ენერგიაზე მომუშავე სანათებით.

განვითარების პოტენციალი: ნაკვეთი შეიძლება განხილულ იქნეს სააგარაკე ნაკვეთებად დაყოფისა და კომპაუნდის ტიპის დასასვენებელი დასახლების განვითარების მიზნით. გენერალური გეგმის კონცეფცია უკვე შემუშავებულია.

ამ სამი სასოფლო-სამეურნეო მიწის ნაკვეთის (53.12.32.126; 53.12.32.127; 53.12.32.166, საერთო ფართით 91,923 კვ.მ.) ფასია 1,200,000 აშშ დოლარი.

ობიექტი იყიდება მთლიანად, ოთხი მომიჯნავე მიწის ნაკვეთის ერთობლიობის სახით და მთლიანი ფასია 1,500,000 აშშ დოლარი (ფასში არ შედის დღგ).