რაც უფრო დიდია უკეთესია, განსაკუთრებით მაშინ, როცა საქმე უძრავ ქონებას ეხება, არა?!-  უკვე აღარ. თუ უძრავი ქონების ბოლო პერიოდის ტენდენციებს გადავხედავთ, აღმოვაჩენთ, რომ პატარა ბინები, სულ უფრო და უფრო მოთხოვნადები ხდებიან. დღესდღეობით, მიკრო მაგრამ შესანიშნავად ფორმირებული საცხოვრებელი სივრცე ყველაზე აქტუალურია, ეს განსაკუთრებით დიდი ქალაქებში შეინიშნება.

მაღალანაზღაურებადი სამსახურის საძებნელად და განათლების მისაღებად, ადამიანების სულ უფრო დიდი ნაწილი გადადის დიდი ქალაქებში საცხოვრებლად, ამას კი თან თან სდევს ხელმისაწვდომი საცხოვრებელი ფართების კლება, რაც არსებული ბინების ქირის საფასურს ზრდის. და ერთი გზა, რომლითაც ქალაქის მოსახლეობა ამ ყველაფერზე რეაგირებს, არის ტენდენციებისთვის ფეხის აწყობა და პატარა ბინებებში გადასვლაა.
ამ სტატიაში ჩვენ განვიხილავთ მიკრო ბინების ზოგიერთ მახასიათებელს და შევეცდებით გავიგოთ, რატომ იზრდება მისი პოპულარობა ასეთი სისწრაფით.
 

1. უფრო ხელმისაწვდომი საქალაქო ალტერნატივა  

უპირველეს ყოვლისა, მიზეზი თუ რატომ მოსწონს ახალგაზრდა თაობას მიკრო- ბინები ასე ძალიან მისი ხელმისაწვდომობაა. სტუდენტებს, რომლებსაც ისედაც მაღალი სწავლის გადასახადი და სხვა ხარჯები აქვთ, ამჯობინებენ ისეთ საცხოვრებელს, რომელიც შეესაბამება მათ ცხოვრების სტილს და მასში ყოველთვიური შემოსავლის ნახევარს არ იხდიან.
პატარა ბინით დაწყება, ადამიანებს საშუალებას აძლევს დაზოგონ უფრო მეტი თანხა, რომელიც შეიძლება მიმართული იყოს  ფინანსური მიზნების მისაღწევად, იქნება ეს ავტომობილის შეძენა, პირველი სახლის ყიდვა თუ სწავლის გადასახადი.
დაბალი ქირის გარდა, პატარა საცხოვრებელი ასევე მცირე კომუნალურ ხარჯებსაც ნიშნავს. ეს კი, მაცხოვრებელს საშუალებას აძლევს უფრო დიდხანს დარჩეს ნაქირავებ ბინაში და ამისთვის, მათ ოთახის მეზობლის პოვნაც აღარ სჭირდებათ, რომ ბინისა და კომუნალური გადასახადები გაინაწილონ.
 

2. ინოვაციური მიდგომა დიზაინთან

გარდა იმისა, რომ მიკრო ბინები ძალიან ხელმისაწვდომები არიან, ისინი  საკმაოდ კრეატიულად არიან მოწყობილები სივრცისა და ენერგიის დაზოგვის, ასევე არსებული პოტენციალის მაქსიმალურად ათვისებაში.
შეიძლება მათი ფასი დაბალია, მაგრამ როდესაც საქმე  ვიზუალზე მიდგება, მიკროაპარტამენტები შეიძლება საკმაოდ ინოვაციური იყოს. ხშირად ნახავთ, რომ მსგავსი ტიპის ბინები აღჭურვილები არიან, ისეთი პატარა სათავსოებითა და ნივთებით, რომელთაც გამოყენებასაც რამდენიმე სხვადასხვა დანიშნულებით შეძლებთ.
ორივე, ვერტიკალური და ჰორიზონტალური სივრცის ჭკვიანური გამოყენება უზრუნველყოფს საკმარის სათავსოების ვარიანტებს დამქირავებლებისთვის, ასევე ზრდის ამგვარი მცირე ფართების გამოყენებადობასა და ფუნქციონირებას.

3. პასუხი თანამედროვე დატვირთულ ცხოვრების წესზე

დატვირთული სოციალური ცხოვრება და გრძელი სამუშაო დღეები უმეტესწილად იმდენად გვღლის, რომ სახლში მისულებს მხოლოდ  კარგი დასვენება გვჭირდება, ეს მცირე ადგილები კი ამისთვის შეიძლება შესანიშნავი ვარიანტი აღმოჩნდეს.
ხართ თუ არა კარიერაზე ორიენტირებული პროფესიონალი, კოლეჯის სტუდენტი, ხშირი მოგზაური ან ციფრული მომთაბარე, სრულად მოწყობილი მიკრო-ბინების დაქირავება
შეიძლება თქვენთვის იდეალური საცხოვრებელი ვარიანტი იყოს, რათა განიტვირთოთ და  შემდეგი დღისთვის მოემზადოთ.
https://www.youtube.com/watch?v=nFu7zE9DnRA
ამგვარი ცხოვრების სტილის გათვალისწინებით, საჭიროა რ არის იფიქროთ იმ მძიმე სამუშაოებზე, როგორიცაა საწოლის გაწმენდა, სახლისა და თეთრეულის შეცვლა, რადგან ამ ყველაფერს ბინის ქირა ისედაც მოიცავს. ისეთ ადგილებში, როგორიც მაგალითად                     ჰონგ-კონგია, სრულად მოწყობილი ბინის დაქირავება  ნორმაა.
მსგავის ტიპის ბინის დაქირავება საშუალებას გაძლევთ, მაქისიმალურად ფოკუსირდეთ თქვენს პროფესიულ, ფინანსურ და პირად მიზნებზე და გამოიყენოთ ეს ენერგია და დრო ისეთი რაღაცებისთვის, რაც პირადად თქვენთვისაა მნიშვნელოვანი.
 

4. ეკო მეგობრული სახლის ვარიანტი 

სტუდიოს ტიპის ბინაში ცხოვრების კიდევ ერთი სარგებელი არის  შესაძლებლობა, რომ  მაქსიმალურად შეამციროთ გარემოზე უარყოფითი ზემოქმედება. თქვენ ურო ნაკლებ ენერგიას ხარჯავთ ზაფხულში გაგრილებაზე, ზამთარში კი გათბობაზე, ასევე, საერთო ჯამში, მინიმალურია ელექტროენერგიის საჭიროება ბინის გასანათებლად.
მიკრო- ბინები უმეტეს შემთხვევაში მინიმალისტური სტილით არიან შექმნილები, და რადგან მათ არ აქვთ ჭარბი ადგილი სხვადასხვა ნივთებისთვის, ძალაუნებურად მოგიწევთ შეამციროთ თქვენი კარადების, უჯრებისა და სხვა სათავსოების არასაჭირო ნივთებით შევსება.
პატარა საცხოვრებელი სივრცე ეკომეგობრულ ადამიანებს ეხმარება დარჩნენ თავიანთ გზაზე და გონებამახვილურად გააგრძელონ საყიდლებზე სიარული და სხვადასხვა ნივთების მოხმარება.
 
საბოლოო აზრები მიკრო ბინაზე     
იმ პერიოდში, როდესაც ქირაზე ფასები მუდმივად იზრდება, ხოლო კომფორტული და ხელმისაწვდომი საცხოვრებლის პოვნა სულ უფრო რთული ხდება, მიკროპარტამენტები ამ მზარდი პრობლემის(რომელსაც დღეს ბევრი დიდი ქალაქი აწყდება) ყველაზე ჭკვიანური გადაწყვეტილებაა.
 ისინი გთავაზობენ საცხოვრებელი ფართის ფუნქციონალურობასა და პრაქტიკულობას, ასევე მოსახერხებელ მდებარეობასა და დაბალ გადასახადს. მიუხედავად იმისა, რომ ეს ბევრს შეიძლება არ მოეწონოს ან სულაც არ იყოს ყველასთვის შესაფერისი (მაგალითად, უფრო დიდი ოჯახებისთვის), მიკროაპარტამენტების ტენდენცია ბევრისთვის მისაღებია და უძრავი ქონების ბაზრის ტენდენციის მიხედვით, ის აქტუალური ნამდვილად დიდხანს დარჩება.
იმედია, ახლა უფრო მეტი იცით მიკროაპარტამენტების შესახებ თუკი მის აშენებას ან ქირაობას გადაწყვეტთ.
 
წყარო: blog.sellmyhomeinmetrowestma.com