ეს კოსმოსური ჰოსტელი სინგაპურში მდებარეობს და მასში დარჩენა მხოლოდ 40 დოლარადაა შესაძლებელი. ჰოსტელი მთლიანად კოსმოსურ თემატიკაზეა აგებული.
თავდაპირველად ეს ხელმისაწვდომი საცხოვრებელი, იმ იაპონელი ბიზნესმენებისათვის შეიქმნა, ვინც ვერ ასწრებდა (ან ზედმეტად ნასვამი იყო) მატარებლის სადგურამდე მისასვლელად, რათა შინ დაბრუნებულიყო. დღეისათვის კაფსულის ჰოსტელი ძალიან დიდი პოპულარობით სარგებლობს, ტურისტებსა და მარტოხელა მოგზაურებში.
მათთვის ვინც არ იცის რა არის კაფსულის ჰოსტელი- ის ერთმანეთზე დაწყობილი პაწაწინა ოთახის მწკრივია, რომელთაგან თითოეულში საკმარისი სივრცეა რათა (მხოლოდ) დაიძინოთ. მათი განლაგებიდან გამომდინარე ძალიან მარტივია სტუმრებს შორის ინტერაქცია, თუმცა ეს ძილის დროს დისკომფორტს არ შეგიქმნით, რადგან განცალკევებული სექციები განმარტოების მშვენიერ საშუალებას გაძლევენ. იმაზე ოდნავ მეტ პრივატულობას, ვიდრე ჩვეულებრივი ღია საწოლები.
მიუხედავად იმისა, რომ იაპონია შეიძლება იყოს ამ კონცეფციის შთამაგონებელი, სინგაპურმა მათ თავისი MET A Space Pod-ით ნამდვილად გადაუსწრო. ძვირადღირებული კაფსულის ჰოსტელი, ფუტურისტული თემატიკით 40 დოლარიდანაა ხელმისაწვდომი.
მიუხედავად მათი პატარა მოცულობისა, ეს კაფსულები საშუალებას გაძლევენ, რომ კომფორტულად იჯდეთ ან იტრიალოთ ძილის დროს.
სასტუმრო 2 სართულისგან შეგდება და თითოეულ სართულზე კაფსულები მხოლოდ 2 რიგადაა განლაგებული - მიუხედავად იმისა, რომ ზოგიერთ სხვა საერთო საცხოვრებელში ისინი 4 მწკრივში შეიძლება განთავსდეს. ეს არის სტუმრების უსაფრთხოების უზრუნველსაყოფად, შესაძლო ვარდნის შედეგად დაზიანებების შემცირების მიზნით.
MET A Space Pod-ის კაფსულების სულ 2 ტიპია, 1 და 2 ადგილიანი. ერთადერთი განსხვავება ამ ორს შორის არის ის, რომ პირველს აქვს ჩამოსაწევი ეკრანი კონფიდენციალურობისთვის და მისი ჩაკეტვა შეუძლებელია, ხოლო ამ უკანასკნელს აქვს მყარი კარი, რომელიც იკეტება დახურვისთანავე.
კაფსულების შიგნით დაგხვდებათ ფართო განათებული სარკეც - იდეალურია მაკიაჟის გასაკეთებლად, ასევე ისინი გამორჩეული მხოლოდ ლამაზი ინტერიერით არ არიან- კაფსულები საკმაოდ კარგი ტექნოლოგიებით არიან აღჭურვილები, რაც სტუმრებს საშუალებას აძლევს შეცვალონ კონდიციონერი და სინათლის პარამეტრები სენსორული ღილაკების სწრაფი „გადასქროლვით“. ოთახში არის უფასო Wi-Fi ქსელიც.
თუ ფილმების მოყვარული ხართ, მაშინ თქვენთვის სიურპრიზი გვაქვს! ამ კაფსულაში მშვენივრად თავსდება ტელევიზორი, სადაც ფილმების უზარმაზარი კოლექცია დაგხვდებათ( ყველა ჟანრში, რა თქმა უნდა).
ხმაურის დონის შესამცირებლად, ტელევიზორებს დინამიკები არ მოყვება, სანაცვლო უნდა გამოიყენოთ ყურსასმენები. არ იდარდო, თუ დაგავიწყდა საკუთარი ყურსასმენების ჩამოტანა; უბრალოდ ჰკითხე მეგობრულ პერსონალს და ისინი მოგცემენ წყვილს.
წყარო: thesmartlocal.com