ნიუ – ჯერსის ეს ფერადი სახლი ერთ დროს ეკლესია იყო

ეს შენობა 1903 წლიდან დგას კრემ რიჯში, ნიუ – ჯერსიში მდებარე მიწის ნაკვეთზე. ბოლო ხუთი წლის განმავლობაში კი მან მნიშვნელოვანი ცვლილება განიცადა და საოცარ სახლად გადაკეთდა.
2015 წლამდე დევისის სადგურის გზაზე მდებარე 3,682 კვადრატულ ფუტიანი შენობა ბატისტურ ეკლესიას წარმოადგენდა.
ამჟამინდელმა მფლობელებმა, მათ შორის მამამ, რომელიც ახლა 87 წლისაა და მისმა ვაჟმა, ყოფილი ეკლესიას  ხუთი წლის წინ 110 000 დოლარად იყიდეს. დღეს, კი ეს არის ერთ საცხოვრებელი სახლი, რომელიც ბაზარზე $ 675,000 ღირს.

”მათ აღადგინეს იგი მიტოვებული ეკლესიიდან ამ საოცარ სახლამდე”, - ამბობს გაყიდვების აგენტი, ვალერი ვარგასი. იგი აღნიშნავს, რომ ორიგინალის დიდი ნაწილი შეინარჩუნა, "ამიტომ ყველა არქიტექტურული მახასიათებელი ჯერ კიდევ არსებობს".
ეს მოიცავს ულამაზეს ვიტრაჟებს თითქმის ყველა ოთახში, ასევე ორგანის მილებს, რომლებიც  ქველმოქმედის ენდრიუ კარნეგის მიერაა შემოწირული.
კარნეგს ასევე დიდი წვლილი მიუძღვის იმდროინდელი ეკლესიის აღდგენაში, რადგან 1903 წელს ხანძარმა გაანადგურა ეკლესიის თავდაპირველი კონსტრუქცია.

შესანიშნავი ოთახის გარდა, ორივე საძინებელი და სველი წერტილი ორიგინალური ვიტრაჟებით გამოირჩევა.
"ეს გასაოცარია. ეს ფაქტიურად სუნთქვასაც კი გავიწყებთ ”, - ამბობს ვარგასი.





ამჟამინდელმა მფლობელებმა ქონების აღსადგენად $ 750,000 დახარჯეს. მათ განაახლეს ყველა ინფრასტრუქტურა, ელექტრო და სანტექნიკური სისტემების ჩათვლით.
”მათ ასევე სტრუქტურული სამუშაოების შესრულება მოუხდათ. თქვენ იღებთ იმას, რაც იყო ეკლესია და ახლა ქმნით საცხოვრებელ ადგილს, ასე რომ თქვენ უნდა დაამატოთ ყველაფერი. ”
ეკლესიის ყოფილი საკურთხევლი ახლა სახლის დიდ ოთახად გარდაიქმნა.






 
ეკლესიის ორიგინალური თუნუქის ჭერი ჩანს როგორც საცხოვრებელ სახლში, ასევე საძინებლებში და სხვა ოთახებში.

სამზარეულოს უფრო თანამედროვე შეგრძნება აქვს.
”როდესაც ამ შესანიშნავ ოთახში და საძინებელში ხარ, ფანჯრები ვიტრაჟებით არის”, - ამბობს ვარგასი. მეორეს მხრივ, სამზარეულოში: "ეს ყველაფერი კარადების, გრანიტის, ფერმის სახლის ნიჟარისა და მაღალი დონის საყოფაცხოვრებო ტექნიკაა".





2018 წელს ოჯახმა ქონების განახლებისთვის Monmouth County Historical Commission-ის ჯილდო მიიღო.
ეკლესიის ზარი კვლავ მუშაობს და მეპატრონეები ყოველწლიურად რეკავს მას ახალი წლის განმავლობაში, როდესაც საათი შუაღამეს აჩვენებს.












 მეწამული ექსტერიერი და ინტერიერის ფერები ოჯახის მატრიარქის არჩევანი იყო, რომელიც რამდენიმე წლის წინ გარდაიცვალა. ვარგასი ამბობს, რომ მან ზუსტად შეათამაშა ვიტრაჟის ფერები და დასძინა, რომ ეს ჰარმონიულ ბალანსს აღწევს.
კრება, რომელიც ადრე ეკლესიას ფლობდა, არსებობდა 1737 წლიდან, რადგან ამერიკული რევოლუციის დროს საზოგადოება პატრიოტების დასაყრდენი იყო. იგი დევისის სადგურის გზის ადგილას 1850 წელს გადავიდა.
წყარო: realtor.com