ბევრი ადამიანი წლების, ან თუნდაც ათწლეულების განმავლობაში ოცნებობს სახლის შეძენაზე, მანამ, სანამ ამ ნაბიჯს რეალურად გადადგამენ. ახალი საცხოვრებლის არჩევა ცხოვრებაში ერთ-ერთი მნიშვნელოვანი მოვლენაა და ის ბევრ სირთულესთან და სიახლესთანაა დაკავშირებული.
სახლის შეძენა იმაზე მეტია, ვიდრე თქვენი საყვარელი ნივთების აღება და საცხოვრებლად გადასვლა, ამიტომ, მნიშვნელოვანია გესმოდეთ სახლის ყიდვის ყველა საფეხური, ასევე ის, თუ რა უნდა მოძებნოთ ყიდვის დროს და რა კითხვები უნდა დასვათ.
თუკი უძრავი ქონება სწორადაა ნაყიდი მის დადებით ასპექტებში ეჭვი არავის ეპარება. როგორც ცნობილმა უილ როჯერსმა თქვა :„ნუ დაელოდებით უძრავი ქონების ყიდვას, იყიდეთ უძრავი ქონება და დაელოდეთ.“
მაგრამ სახლის შეძენისას არ ღირს ნაჩქარევი გადაწყვეტილებების მიღება, მით უფრო თუ ის თქვენთვის პირველი შენაძენია. სწორედ ამიტომ, მოდი ბინის ყიდვის ყველა აუცილებელი საფეხური ერთად გავიაროთ, რათა დაგეხმაროთ თქვენი ოცნების სახლში მიღებაში.
ნაბიჯები სახლის შესაძენად:
სანამ ოცნების სახლს შეიძენთ, უნდა გესმოდეთ სახლის ყიდვის ნაბიჯები. სახლის ყიდვის პროცესი შეიძლება მარტივი არ აღმოჩნდეს, მაგრამ ის უფრო გაიოლდება თუ თქვენ გექნებათ ზუსტი გეგმა და მიზანი.
ეს არის ის აუცილებელი ნაბიჯები, რომელიც სახლის შეძენამდე უნდა გაიაროთ.
- სწორი რეალტორი სწორ სახლთან მიგიყვანთ
Realestate- ი გვთავაზობს 6 თვისებას, რომელიც კარგ რეალტორს უნდა ჰქონდეს.
- ისინი კარგად და რეგულარულად ურთიერთობენ თავიანთ კლიენტებთან
- ისინი აქტიურები არიან გაყიდვების პროცესთან მიმართებაში
- ისინი უსმენენ
- ისინი კლიენტებზე არიან ორიენტირებულები
- მათ იციან ადგილობრივი ტერიტორია
- მათ იციან თავიანთი კლიენტების დროის ჩარჩო
- გაანათლე საკუთარი თავი
ასე რომ, სანამ მეგობრებისა და ოჯახის წევრებისგან რჩევას ითხოვთ, დრო დაუთმე საკუთარი თავის განათლებას, რომ გაეცნო ამ პროცესს: იპოთეკურ სესხებს, ბაზრის ტენდენციები. ამის შემდეგ უკვე თავად შეგეძლება გაფილტრო სხვების გამოცდილება.
- მეზობელი სამუდამოა
რა თქმა უნდა, თქვენ ვერასდროს იპოვნით ადგილს სრულყოფილი მეზობლებით, ისინი გადადიან და გადმოდიან, მაგრამ კარგია წინასწარ იმის ცოდნა, თუ რა გელის წინ.
- რომი ერთ დღეში არ აშენებულა
- ორი სიტყვა: დამალული ხარჯები
უცნაური და მოულოდნელი ხარჯები უეცრად გამოჩნდებიან.-გატეხილი გათბობის სისტემები, სახურავიდან ჩამოღონილი წყალი, რომელიც, როგორც წესი, ხშირად არდადეგების პერიოდში ხდება, ზუსტად მაშინ, როდესაც ფული ისედაც ცოტა გაქვთ.
მართალია, ეს შეიძლება ბინის ყიდვის პროცესში არ იყოს ყველაზე მნიშვნელოვანი ფაქტორები, მაგრამ საცხოვრებლად გადასვლის შემდეგ, ისინი ყველაზე მნიშვნელოვან გავლენას ახდენდნენ თქვენს ცხოვრებაზე.
უპირველეს ყოვლისა, გახსოვდეთ, რომ - როგორიც არ უნდა იყოს ის და სადაც არ უნდა მდებარეობდეს, თქვენ აბსოლუტურად უნდა გიყვარდეთ საკუთარი სახლი. ეს იქნება ბევრი ფული, დრო და შრომა, მაგრამ ასევე იქნება ის ადგილი, სადაც თქვენ ცხოვრობთ, გიყვართ და აშენებთ მოგონებებს
წყარო: istenmoneymatters/themuse