შემოდგომა, როცა ჰაერში სიცივის პირველი ნიშნები იგრძნობა. ფერადი ფოთლები. გოგრის სურნელი, ყვითელი ფერები და ოჰ, სახლის შენარჩუნების ამოცანების გრძელი სია, რომელიც ამ სეზონის დასაწყისში გელით.
ჩვენ არ გვსურს თქვენი შემოდგომის სეზონის ნეტარებაში შემოჭრა, მაგრამ ზაფხულის შემდგომი თვეები კრიტიკული დროა სახლის რუტინული მოვლა-პატრონობისთვის, რომ თქვენი ოჯახი ზამთარში შეუფერხებლად და უპრობლემოდ ცხოვრობდეს. საბედნიეროდ, ამ ამოცანებიდან ბევრი, მარტივი წვრილმანი პროექტია. თუ სურვილი გაქვთ, რა თქმა უნდა, შეგიძლიათ საქმეში პროფესიონალიც ჩართოთ.
Realtor.com-მა სახლის ექსპერტებს ჰკითხა, თუ სახლის რა საქმეები უნდა იყოს ამ შემოდგომის სიის სათავეში. აქ არის აუცილებლად მოსაგვარებელი ამოცანები, სანამ ჩამოცვენილი ფოთლები ყინულსა და თოვლში არ გაქრება.
1. შეამოწმეთ ფანჯრები და კარები ჰაერის გაჟონვისგან
დაბალი ტემპერატურა ნიშნავს გამათბობლის მაღალ გრადუსზე დაყენებას და ცივ კლიმატურ პირობებში მყოფმა იცის, რა ტკივილია ზამთრის პერიოდში გაზის ქვითრის ნახვა. ცივი ჰაერისა და კომუნალური გადასახადების კონტროლისათვის Neighborly- ის პრეზიდენტი და გენერალური დირექტორი, მაიკ ბიდველი, გთავაზობთ ყველა თქვენი ფანჯრისა და კარების შემოწმებას ჰაერის გაჟონვისგან. თუ თქვენი პრობლემა მცირეა, მისი მოგვარების რამდენიმე დაბალბიუჯეტიანი ვარიანტი არსებობს: ხარვეზების გარშემო შეფუთვა, weatherstripp-ის განახლება ან შეცვლა და ქაფის შემცველის გამოყენება.
იმ შემთხვევაში, თუ დიდი ხარვეზები გაქვთ ან უბრალოდ სიმშვიდე გინდათ, რომ დარწმუნებული იყოთ პრობლემის ბოლომდე მოგვარებაში, მიმართეთ ექსპერტებს.
2. გაასუფთავეთ თქვენი ბუხრის მილი
თუ ბუხარი გაქვთ, შემოდგომა შესანიშნავი დროა იმისათვის, რომ ის საფუძვლიანად გაწმინდოთ და დაათვალიეროთ. სუფთა ბუხრის შენარჩუნება არის უმარტივესი და საუკეთესო გზაა, ხის წვის შედეგად გამოყოფილი „Creosote-ის“ გასანადგურებლად, რომელიც შეიცავს ისეთ მავნე ნივთიერებებს, როგორიცაა: ტარი და ტოქსინები.
თუ აქამდე ბუხრის მილს თავად სისტემატურად წმენდდით, ამ დავალებას თავი შეგიძლიათ ისევ თავად გაართვათ. იმ შემთხვევაში, კი თუ თქვენ დიდი ხანია არ გაგიწმინდავთ ბუხარი, გირჩევთ, დარეკოთ ექსპერტებთან, რომ ის კარგად გაიწმინდოს, ხოლო თქვენ თავი აარიდოთ შემდგომ გართულებებს.
3. დაგეგმეთ ღუმელის რეგულირება
ნუ დაელოდებით პირველ მყინვარე დღეს, რომ საბოლოოდ ჩართოთ თქვენი ღუმელი. თუ თქვენ გაქვთ რაიმე პრობლემა, თქვენ უნდა იცოდეთ მანამ, სანამ ვერცხლისწყალი დაეცემა და იგრძნობთ როგორ კანკალებთ შენობაში.
„სახლის მეპატრონეებმა უნდა მოუსმინონ უცნაურ ხმებს,როგორიცაა: ბრახუნი და წკაპუნი, როდესაც ისინი შემოდგომის სეზონისთვის ღუმელს ჩართავენ“,- ამბობს ბიდველი. ”მათ ასევე ყურადღება უნდა მიაქციონ, ღუმელიდან გამოსულ უცნაურ სუნებს.”
თუ რაიმე უჩვეულო შეამჩნიეთ, დაუყოვნებლივ დარეკეთ საჭირო ორგანოში.
შეცვალეთ თქვენი ფილტრი რეგულარულად და ხშირად. „ყოველ სეზონზე სახლის მეპატრონეებმა უნდა შეცვალონ ღუმელის ფილტრი ”, - ამბობს ბიდველი. „ მათ ასევე შეუძლიათ, მტვერს და სხვა ნაგვის ღუმელიდან და მისი შემოგარენიდან, რადგან მან შეძლოს ახალივით მუშაობა.
4. გაასუფთავეთ ღარები (ჟოლოფები).
წლის განმავლობაში ღარები (ჟოლოფები) ივსება ფოთლებით, ჯოხებით და სხვა ნამსხვრევებით. თუ თქვენ ამ ღარებს არ გაწმენდთ იქ დაგროვებული ნაგვისგან, ეს შეიძლება ნიშნავდეს რომ წვიმა და დამდნარი თოვლი იქ ადვილად(გლუვად) ვერ გაივლის- რამაც შესაძლოა თქვენს სახლში წყლის გაჟონვა გამოიწვიოს.
თუ შენ მზად ხარ სახურავზე ასასვლელად და ღარების გასასუფთავებლად,ძალიან კარგი, ეს მარტივი ამოცანაა. „ვედროს“, „კაუჭისა“ და ძლიერი ხელთათმანების წყალობით თქვენ შეძლებთ ნებისმიერი ნაგვის მოშორებას.
დარჩენილი ნარჩენებისათვის გამოიყენეთ შლანგი და დარწმუნდით, რომ წყლის ჩამოსადენი მილი სწორად მუშაობს.
5. დატესტეთ კვამლისა და ნახშირბადის მონოქსიდის დეტექტორები
მარტივია დაივიწყოთ კვამლისა და ნახშირბადის მონოქსიდის დეტექტორები, თუ სამზარეულოში რაიმე კატასტროფა არ მოხდება.
”სწორედ ამიტომ, როდესაც წლის ამ პერიოდს ვუახლოვდებით, მნიშვნელოვანია ამ დეტექტორების შემოწმება, ასევე მათი ჩანაცვლება, რომლებიც 10 ან მეტი წლისაა”, - ამბობს ჯელსტენი.
ეს არის სწრაფი და მარტივი პროექტი, რომელსაც სახლის მეპატრონეების უმეტესობა თვითონ ახერხებს. უბრალოდ, თითოეულ თქვენს დეტექტორზე რამოდენიმე წამის განმავლობაში დააჭირეთ ღილაკ „test-ს“ ხელი. გამართულად მუშაობის შემთხვევაში, ეს დეტექტორები ხმამაღალ სირენას რთავენ.
წყარო: realtor.com