ბინის ყიდვა უცხოელებისთვის საქართველოში — პროცედურა და პირობები

საქართველო წლების განმავლობაში იზიდავს უცხოელებს თავისი სტუმართმოყვარეობით, სილამაზით და შედარებით ხელმისაწვდომი უძრავი ქონების ფასებით.
ამ სტატიაში განვიხილავთ: შეუძლია თუ არა უცხოელს საქართველოში ბინის ყიდვა
როგორია პროცედურა, რა საბუთებია საჭირო, რას უნდა მიაქციონ ყურადღება

➡ შეიძლება თუ არა უცხოელს საქართველოში ბინის შეძენა?
დიახ! შესაძლებელია. საქართველოში ფიზიკური პირებისთვის — ანუ მოქალაქეებისთვის, რომლებიც სხვა ქვეყნიდან არიან — ბინის ან სხვა ტიპის საცხოვრებელი უძრავი ქონების შეძენა თავისუფლად შესაძლებელია.არ არის საჭირო არც ბინადრობა და არც საქართველოს მოქალაქეობა.
შეზღუდვა ვრცელდება მხოლოდ სოფლის მეურნეობის მიწის ნაკვეთებზე — უცხოელს არ შეუძლია სოფლად მიწის პირდაპირი შეძენა, თუმცა საცხოვრებელ ან კომერციულ უძრავ ქონებას შეზღუდვა არ ეხება.

➡ შეძენის პროცედურა ნაბიჯ-ნაბიჯ
1. ობიექტის შერჩევა
უცხოელმა მყიდველმა უნდა აირჩიოს ბინა, სახლი ან აპარტამენტი.
2. შეთანხმება პირობებზე
ბინის ფასი, გადახდის გრაფიკი, ავანსი (ჩვეულებრივ 10–20%) შეთანხმდება მხარეებს შორის.
3. შეთანხმების დოკუმენტის გაფორმება
როგორც წესი, იდება წინასწარი შეთანხმება ან დაპირება შესყიდვაზე, განსაკუთრებით ახალ აშენებულ ბინებზე.
4. საჯარო რეესტრში გადაფორმება
უძრავი ქონება დარეგისტრირდება საქართველოს საჯარო რეესტრში (National Agency of Public Registry).

➡ გასათვალისწინებელია საჭირო დოკუმენტები უცხოელი მყიდველისთვის
პასპორტი (სასურველია ნოტარიულად ნათარგმნი ქართულად)
შეთანხმება მყიდველსა და გამყიდველს შორის
დაკანონებული საკუთრების დამადასტურებელი დოკუმენტი (გამყიდველის მხრიდან)
განცხადება საჯარო რეესტრში (შეიცავს ქონების აღწერას და მხარეთა მონაცემებს)

ზოგჯერ საჭირო ხდება პასპორტის ნოტარიული თარგმანი, განსაკუთრებით თუ მყიდველი არ იმყოფება საქართველოში და იყენებს წარმომადგენელს.
გადასახადები და ხარჯები: საჯარო რეესტრის რეგისტრაციის საფასური
ჩვეულებრივი რეგისტრაცია — 4 სამუშაო დღე - 50 ლარი
სწრაფი მომსახურება — 1 დღე -150 ლარი
➡ შეძლებს თუ არა უცხოელი უძრავი ქონების გაქირავებას ან გაყიდვას?
უცხო მფლობელს სრული უფლება აქვს ქონება: გააქირავოს, გაყიდოს, გადაუფორმოს მემკვიდრეს ან შვილს.

იმ შემთხვევაში თუ ყველა პროცედურა სწორად იქნება შესრულებული არანიარი შეფერხება არ ექნება მყიდველს, ეს ეხება, როგორც სხვა ქვეყნის მოქალაქეს, ასევე ადგილობრივ პირს.